DEMOKRAATIT NUNA TAMAKKERLUGU NALIGINAASUMIK ATAATSIMIINNISSAANNI ULLORMUT OQALUUSERISASSAT
Ataatsimiinneq nittartakkakkut ingerlanneqassaaq. Siulersuisuunernut ilaasortat aammalu immikkoortortaqarfiit sinnerlugit peqataatitat tamatumanilu Demokraatit inuusuttai aammalu partiip allattai nittartakkakkut aggersarneqassapput.
Pisortat innersuussutai aallaavigalugit kaammattuutigineqarpoq immikkoortortaqrfimmit aallartitat peqatigalugit katersuunnissaat.
Ulloq: 8. juni 2020 Nal. 19:00
Sumiiffik: Nittartakkakkut
Ullormut oqaluuserisassat:
- Aqutsisussamik toqqaaneq
- Imaqarniliortussamik toqqaaneq
- Ullormut oqaluuserisassat akuerineqarnerat
- Siulittaasup nalunaarutaa
- Partip programmiata akuerineqarnera
- Ukiut siuliini marlunni naatsorsuutit akuerineqarnerat
- Ukiunut tulliuttunut marlunnut missingersuutit akuerineqarnerat
- Ilaasortat akiulittaata aalajangersarnera
- Siunnersuutit tiguneqarsimasut
10. Siulersuisuunerit siulittaasussaannik qinersineq - Politikkimut akisussaasussamik siulittaasup tullersortaanik qinersineq
- Aaqissuussaanermut akisussaasussamik siulittaasup tullersortissaanik qinersineq
- Aningaaserisumik qinersineq
14.Siulersuisuunerni ilaasortassanik pingasunik kiisalu arfineq-marluk tikillugit amerlassusilinnik sinniisussanik qinersineq
- Kukkunersiuisumik qinersineq
- TamalaatAtaatsimeersuarnissamut siunnersuutit immikkoortortaqarfimmiit ilaasortaanermullu akiliisimasunit siunnersuutigineqartut kingusinnerpaamik Ataatsimeersuarnissap ullut 14-nit sioqqullugu Siulersuisuunernut nassiunneqareersimassapput.
Taasisinnaatitaasunut tunngasut partiip ileqqoreqqusaani atuarneqarsinnaapput:
Immikkoortortaqarfik Nuna Tamakkerlugu Ataatsimeersuarnermut ikinnerpaamik ilaasortanut tamakkiisumik ilaasortaasunut ilaasortaanermullu akiliuteqartunut tallimanut aallartitamik taaseqataasinnaasumik ataatsimik toqqaasinnaatitaapput. Taasinerit amerlassusaat kisinneqartassapput tallimaniit aallartillugit, imak paasineqassaaq tallimanik ilaasortaqaraanni taasineq ataasiussaaq, arfinillit qulillu akornanni ilaasortaqaraanni taasinerit marluussaapput, aqqanillit aqqaneq tallimallu akornanni ilaasortaqaraanni taasinerit pingasuussapput. Immikkoortortaqarfimmi ilaasortat tamakkiisumik ilaasortaasut ilaasortaanermullu akiliuteqartut amerlassusaat Nuna Tamakkerlugu Ataatsimeersuarnissamut aggersaanerup ullulerneqarfia naapertorlugu naatsorsorneqassapput. Tamatuma saniatigut Siulersuisuunerni ilaasortat tamarmik taasinerat taasinertut ataatsitut naatsorsorneqassaaq.
Aggialluarisi
Siulersuisuunerit sinnerlugit
Nivi Olsen
Siulittaasoq