DEL

Pissutsit assigiinngitsut pissutigalugit Nikkulaat Jeremiassen aamma Aqqalu Jerimiassen tatigiunnaarpagut. Isumaqarpugut atorfimminniit tunuarnissaat pissusissamisoortoq. Taamaanngippat Naalakkersuisut Siulittaasuata soraarsittariaqarpai.

Demokraatini Inatsisartut ataatsimiititaliaani ilaasortaatitagut aalajangiisarput parti sinnerlugu. Aalisarnermut Ataatsimiititaliarput Steen Lynge oqarpat Aalisanermut Naalakkersuisoq tatigiunnaarlugu, isumaqarpoq parteerput sinnerlugu oqaaseqaataasoq.

Naatsumik oqaatigalugu Nikkulaat Jeremiassen arlaleriarluni aalisapilunneq aammalu qaleralinniarnermi piujuaannartitsinissaq tunngavigalugu aalisarneq pillugu imminut assortuuttunik arlaleriarluni oqaaseqaqattaarpoq. Taamaattoqarsinnaanngilaq.

Inatsisartunut ilaasortat innuttaasullu piumasaraat Naalakkersuisoq kinaluunniit eqqortumik oqaluttassasoq. Takinerusariaqanngilaq taamaattussaavorlu.

Aqqalu Jeremiassenimut tunngatillugu Demokraatiniit oqaasii sakkortunerpaamik akerlilerpagut, oqarmat silap pissusaata allanngoriartornera inuup pilersitarinngikkaa. Oqaaseqarnera inuttut isummamik aallaaveqarneruvoq ilisimatuussutsikkullu paasisanut uppernarsaatissalinnut assortuilluni taamaattumik nunarsuarmioqatitsinnit isiginerlunneqalerataannaavugut. Inuttut nammineq isummamik oqarnertut nassuiaasoqarnera atorsinnaanngilaq. Naalakkersuisuugaanni taava ulloq unnuarlu naalakkersuisuusoqartarpoq. Allamik naamik. Atorfik ulloq unnuarlu atorfiuvoq tamannalu ilisimasariaqarpoq Naalakkersuisut akisussaaffik angisooq tigugaanni.

Qulaani taasagut pissutigalugit paatsoorneqartariaqanngitsumik ersarissumik oqaatigissavarput Nikkulaat Jeremiassen Aqqalu Jeremiassenilu tatigiunnaaratsigit. Taakku sukkanerpaamik tunuartariaqarput. Demokraatiniit inuit taasagut Naalakkersuisuunissaminnut piukkunnanngitsutut isigaagut. Nunarput pineqarpoq, uppernassuserput siunissarpullu – taakkulu innarlerneqassapput pineqartut ingerlaqqiinnassagaluarpata.

Ataqqinartuliornerussaaq taamaallaat marluullutik kinguarsaanatik Naalakkersuisut Siulittaasuannut soraarniutiminnik tunniussigunik.

Inussiarnersumik inuulluaqqusillunga
Randi Vestergaard Evaldsen
Demokraatit sinnerlugit Inatsisartunut ilaasortaq

Kontakt Os / Attavigisigut

Vi er ikke tilgængelig lige nu. Men du kan sende os en e-mail, og så vender vi tilbage til dig hurtigst muligt. Massakkut pissarsiarisinnaanngikkutsigut e-mailerpigisinnaavatsigut, uterfigissavatsigit piaarnerpaamik.

Atuarneqarsinnaanngila? Teksti allanngoruk. captcha txt