DEL

Demokraatit siulittaasuat Niels Thomsen peqqissutsimut tunngasoq pissutigalugu Inatsisartutut sulinngiffeqarniarluni aalajangerpoq. Ulloq 30. juuni 2019 tikillugu sulinngiffeqarniarallarpoq. Sulinngiffeqarnermi nalaani Inatsisartutut akissarsiaqarnissani kissaatiginngilaa.

Inatsisartut 2019-mi upernaakkut ataatsimiilerpata Demokraatit siulittaasuat Niels Thomsen peqataassanngilaq napparsimanini pissutigalugu qinermagu sulinngiffeqarallarniarluni.

Niels Thomsen ima oqarpoq:

”Pisoq manna nammineq nuannarinngikkaluaqaara. Allanngueqataanissaq aamma nunama sullinnissaa pingaartilluinnarpara. Uanga nammineq Inatsisartut oqaluttarfianut qaqillunga oqaaseqaleraangama qamuuna tulluusimaartaqaanga, taamaattumillu uannut imaannaasimanngilaq Inatsisartutut sulinngiffeqarallarnissara aalajangiuttariaqalerakku. Siunnersorneqarpunga maannakkuugallartoq imminut paaralunga eqqissisimaartariaqartunga – tamanna imminermini uannut imaannaanngilaq sulinerami nuannareqaara, allatulli ajornartumik siunnersorneqarnera naalattariaqarsimavara. Pilu qitornakkalu pillugit taamaaliortariaqarpunga. Pilummi aapparmi peqqissup saniminiinnissaa pisariaqartippaa qitornakkalu aamma ukiorpassuarni peqqissumik ataataqartariaqarput. Neriuppunga inuit tusagassiutillu aalajangernera ataqqiumaaraat, annerusumik nassuiaqqittussaannginnakku.”

“Inatsisartut nalunaarfiginikuuakka sulinngiffeqarnerma nalaani Inatsisartutut akissarsiaqarnissara kissaatiginagu. Uanga nammineq sulinngiffeqarnissara aalajangingaraara tamannalu akileraartartut akilissanngilaat.”

Niels Thomsenip sulinngiffeqarnerani Politikkimut akisussaalluni siulittaasumut Tullersortaasoq Randi Vestergaard Evaldsen aamma aaqqissuussaanermut akisussaalluni siulittaasumut tullersortaasoq NIvi Olsen suleqatigiillutik ulluinnarni partii siulersussavaat.

Inussiarnersumik inuulluaqqusillunga
Demokraatit

Kontakt Os / Attavigisigut

Vi er ikke tilgængelig lige nu. Men du kan sende os en e-mail, og så vender vi tilbage til dig hurtigst muligt. Massakkut pissarsiarisinnaanngikkutsigut e-mailerpigisinnaavatsigut, uterfigissavatsigit piaarnerpaamik.

Atuarneqarsinnaanngila? Teksti allanngoruk. captcha txt