DEL

Jens-Frederik Nielsen ataasinngornermi juunip 8-juani unammillerteqarani Demokraatini siulittaasutut toqqarneqarpoq. Sulinermini siulittaasunit nukittuunik tapersersorneqassaaq.

 

Niels Thomsen sulinngiffeqarneranit politikkimiillu tunuarneranit Demokraatit nuna tamakkerlugu ataatsimeersuarnermi toqqagaasimasumik siulittaasoqarsimanngillat. Tamanna matumuuna allanngorpoq. Juunip 8-ani Nuna tamakkerlugu ataatsiminiinnermi Corona peqqutigalugu nittartakkatigut ingerlanneqarsimasumi, Jens-Frederik Nielsen unammillerteqarani siulittaasutut toqqangaavoq.

Jens-Frederik Inuussutissarsiornermut Aatsitassanullu Naalakkersuisutut toqqangaaqqammerpoq, siulianilu ukuit arlallit Demokraatit partiiata allaffeqarfianni sulisimalluni. Qinersineq imatut oqaaseqarfigaa:

 

”Politikkikkut angusaqarluarniartuujuarsimavunga. Inuiaqatigiit qanoq inissisimanersut, qanorlu iliorluta pitsaanerusunngortissinnaanerigut soqutigisarisuaannarsimavara. Ilumoorlungali oqassaanga taama inuusutsigalunga siulittaasunngornissara takorloorsimanagu. Qunuginngilarali. Isumatsialannik ulikkaarpunga nukissaqarluarpungalu, aamma sulilernissara qilanaareqaara,” nangippaalu:

 

”Kalaallit Nunaat massakkorpiaq nalitsinni takuneqarsimanngitsutut aningaasarliorluinnarfimmiippoq, uangalu Demokraatit peqatigalugit pisinnaasarput tamaat akisussaaffimmik tigusinissamut pisussaavugut, taamaaliornikkummi nunarput ajutoorfissuarmit pitsaanerpaamik aninguisinniarsarissavarput. Tassunga sapiissuseqarneq, piumassuseqarneq, nukittuunillu suleqateqarsinnaanissaq pisariaqarput. Taamaammallu aamma nunannarutigaara Nuna tamakkerlugu ataatsimeersuarnermi nukittuunik iliuuseqarusussuseqarluartunillu siulersuisoqaleratta. Ataatsimoorlutami piffimmi erloqinartumi akisussaaffimmik tigusissaagut.”

Nuna tamakkerlugu ataatsimiinnerup kingorna Demokraatit siulittaasui imatut inuttaqalerput:

Siulittaasoq: Jens-Frederik Nielsen
Politikkimi siulittaasup tullia: Steen Lynge
Aaqqissuussaanikkut siulittaasup tullia: Nivi Olsen
Aningaaserisoq: Malene Vahl Rasmussen
Ilaasortaq: Anna Wangenheim
Ilaasortaq: Lena Ravn Davidsen
Ilaasortaq: Nadia Olsen

Sinniisussaq siulleq: Simigaq Heilmann
Sinniisussaq aappaat: Justus Hansen
Sinniisussaq pingajuat: Andrie Sørensen

In. In.
Demokraatit

Kontakt Os / Attavigisigut

Vi er ikke tilgængelig lige nu. Men du kan sende os en e-mail, og så vender vi tilbage til dig hurtigst muligt. Massakkut pissarsiarisinnaanngikkutsigut e-mailerpigisinnaavatsigut, uterfigissavatsigit piaarnerpaamik.

Atuarneqarsinnaanngila? Teksti allanngoruk. captcha txt